Երևան, 02.12.10. Արմինֆո. ՍԹԱՐ առևտրային ցանցը ս.թ. դեկտեմբերի 1-ից ներդրել է նոր հավատարմության ծրագիր "Աստղային ՍթարՔարտ": Ինչպես տեղեկացրեցին Արմինֆո-ին ՍԹԱՐ-ի մամլո ծառայությունից, նոր պարգևատրման համակարգի համաձայն հաճախորդների քարտերին հաշվարկվում են աստղեր (միավոր) ՍԹԱՐ սուպերմարկետներում կատարված գնումների դիմաց:
Համաձայն աղբյուրի, մոտակա 3 ամիսների ընթացքում, ներկայիս ՍթարՔարտատերերը կարող են շարունակել օգտագործել իրենց զեղչային քարտերը: Ծրագիրը լիովին կանցնի նոր համակարգին միայն 2011թ.-ի մարտի 1-ից: Իսկ մինչև մարտի 1-ը զեղչային ՍթարՔարտ կրողները, նոր համակարգին անցնելու դեպքում, կստանան ՍԹԱՐ առևտրային ցանցի կողմից նվեր 100 աստղ:
Նոր հավատարմության ծրագրի վերաբերյալ որոշումը կայացվել է ընկերության ղեկավարության կողմից դեռևս 2009թ.-ի վերջում' այս ոլորտում համաշխարհային փորձի և հայաստանյան շուկայի տենդենցի ուսումնասիրությունից հետո: Ծրագրի ֆունկցիոնալ համակարգի կատարելագործման համար կատարվել են մի շարք վերլուծություններ, ավելի մանրամասն ուսումնասիրվել են հաճախորդների հարցումները: Ծրագրի յուրաքանչյուր նոր մասնակցի հաշվին, որպես նվեր, ավելացվում է 50 աստղ (միավոր):
Գնումների դիմաց հավաքված աստղերը (միավոր) ավտոմատ մուտքագրվում են հաճախորդի անձնական քարտի հաշվին, որոնք հետագայում դառնում են ՍթարԴրամներ, որով կարելի է վճարել յուրաքանչյուր տեսակի ապրանքի դիմաց ՍԹԱՐ առևտրային ցանցում:
Ինչպես ներկայացրեց ՍԹԱՐ առևտրային ցանցի գործադիր տնօրեն Վահան Քերոբյանը, նոր Աստղային Սթարքարտատերերը ՍԹԱՐ առևտրային ցանցում կստանան մինչև 10% զեղչ: Պարգևատրման նոր համակարգը կուտակային համակարգ է, որը հնարավորություն է ընձեռում կիրառել ավելի անհատական մոտեցում և ներկայացնել հաճախորդներին հետաքրքիր և շահավետ առաջարկներ: Հաճախորդները հնարավորություն ունեն հավաքել աստղեր (միավորներ)' կատարելով գնումներ ՍԹԱՐ-ում, որի շնորհիվ հետագայում նրանք բավականին շատ կխնայեն գնումներ կատարելիս:
Բացի այդ, ՍԹԱՐ-ը պլանավորում է նաև խրախուսել իր ամենահավատարիմ հաճախորդներին և նվիրել հավելյալ աստղեր (միավորներ)' կախված հաճախումների քանակից և գնված ապրանքների ծավալից: Նոր համակարգի կարևորագույն առավելություններից է այն, որ նոր համակարգը, ի տարբերություն զեղչայինի, հնարավորություն է տալիս հավաքել աստղեր բոլոր տեսակի ապրանքները գնելիս, ներառյալ խթանավաճառքներում ընդգրկված ապրանքները:
Հիշեցնենք, որ ներկայումս ՍԹԱՐ առևտրային ցանցը ընդգրկում է 18 սուպերմարկետ, որոնցից մեկը գործում է Հրազդան քաղաքում, մնացած 17-ը' Երևանում: Վերակառուցման և Զարգացման Եվրոպական Բանկը (ՎԶԵԲ) հանդիսանում է ՍԹԱՐ-ի բաժնետերը '28,3%, իսկ բաժնետոմսերի մեծ մասը պատկանում է Հենրիկ Զախարյանցին' 71,1%:
Աղբյուր' Arminfo.info
| Արժույթ | Առք | Վաճառք |
|---|---|---|
 |
385.00 | 389.50 |
 |
11.80 | 12.20 |
 |
488.00 | 497.00 |
ՍԹԱՐ սուպերմարկետ, Կոմիտասի 49, այլ հասցեներ
ՍԹԱՐ-ը շնորհավորում է հայկական բանակի կազմավորման 20-ամյակի կապակցությամբ
ՍԹԱՐ առևտրային ցանցը շնորհավորում է ողջ հայությանը` մասնավորապես զինծառայողներին և նրանց հարազատներին, հայկական զինված ուժերի կազմավորման 20-րդ տարեդարձի առթիվ:
18.01.2012
ՍԹԱՐ. 2011թ-ի «ՍԹԱՐ սոցիալական զամբյուղ» նախագծի ամփոփում
ք. Երևան , 18 հունվարի, 2012 թ.: 2012 թ հունվարին ՍԹԱՐ առևտրային ցանցն ամփոփեց «ՍԹԱՐ սոցիալակ ա ն զամբյուղ» նախագծ ի նախորդ տարվա արդյունքները: Ա րդյունքում պարզ դարձավ , որ նախագծի մեկնարկից ` 2011 թ . օգոստոսի 1- ից մինչ դեկտեմբերի 31- ը զամբյուղի արժեքը բարձրացել է 1.43%- ով :
27.12.2011
ՍԹԱՐ. նոր խանութ ամանորին
ք. Երևան , 27 դեկտեմբերի, 2011թ.: ՍԹԱՐ առևտրային ցանցը շարունակում է ընդլայնվել` ս.թ.-ի դեկտեմբերի 28-ին բացելով այս տարվա վերջին` թվով 28-րդ ՍԹԱՐ խանութը, որը գտնվում է Աջափնյակ վարչական շրջանում, ուր արդեն իսկ գործում են ցանցի 3 այլ խանութներ:
| Եր | Եք | Չք | Հգ | Ուր | Շբ | Կր |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | ||||
Բաժանորդագրվելով այստեղ` Դուք մշտապես կստանաք տեղեկատվություն մեր առաջարկների և նոր ծրագրերի վերաբերյալ:
