Հովանավորությունը հիմնականում կապված է տարածքի վարձա­­­կալության գումարի վճարման հետ, որտեղ գտնվում է կրթական համալիրը: 2009թ.-ին դպրոցի տնօրենը բազմիցս բախվել է դպրոցի արտաքսման խնդրի հետ, և հետևաբար' փակման:

«Բարիկ-Ա» բարեգործական դպրոցը հիմնադրվել է 1995թ. սոցիալապես անապահով ընտանիքների երեխաների համար: Դպրոցում սովորում են հիմնականում զոհված ազատամարտիկների, երկկողմանի, միակողմանի ծնողազուրկ երեխաները, որոնք շնորհիվ այս բարեգործական դպրոցի ստանում են արժանավայել և բարձրակարգ կրթություն:

«Մենք պլանավորում ենք հովանավորել դպրոցը ոչ միայն տրամադրելով նյութական միջոցներ, այլ նաև կազմակերպել նվերներով այցեր, շփվելով երեխաների հետ և կազմակերպելով մեզ մոտ հետաքրքիր էքսկուրսիաներ», - նշում է ցանցի գործադիր տնօրեն Վահան Քերոբյանը:

Հովանավորի պաշտոնական կոչման հանձման, դպրոցի գործունեության և խնդիրների վերաբերյալ պետության և հասարակության ուշադրության սևեռման համար, հունվարի 26-ին պլանավորվում է ՍԹԱՐ առևտրային ցանցի ղեկավարության այցելությունը դպրոց: Այցի նպատակն է ծանոթանալ աշակերտների, ինչպես նաև կրթական հաստատության մանկավարժական խմբի հետ, հանձնել նվերներ, ինչպես նաև միասին շրջել դպրոցում: Ծրագրի վերջում տեղի կունենա դպրոցի հիմնադիր և տնօրեն Աննա Բարիկյանի, հոգաբարձուների խորհրդի նախագահ Վարդան Պետանյանի և ՍԹԱՐ ցանցի գործադիր տնօրեն Վահան Քերոբյանի ելույթը, ինչպես նաև Պաշտոնական հովանավորի Սերտիֆիկատի հանձնումը:

Սպասում ենք Ձեզ հետևյալ հասցեում. Կոմիտաս 37 (Րաֆֆու դպրոց)

Հունվարի 26-ին, սկիզբը ժամը' 13:00-ին

Միջոցառման մասնակիցներն են.

1.    ՍԹԱՐ ցանցի գործադիր տնօրեն ՎահանՔերոբյան

2.    ՍԹԱՐ ցանցի ներկայացուցիչներ' Ն. Ավետիսյան, Ա. Պողոսյան, Ա. Ասլանյան,

3.    «Բարիկ-Ա» բարեգործական միջնակարգ դպրոցի տնօրեն Աննա Բարիկյան

4.    Հոգաբարձուների խորհրդի նախագահ Վարդան Պետանյան